Yah pustak keval vichaaron kaa hee naheen apitu anubhavon kaa sanklan bhee hai. Aaj kaa daur pratispardha aur vyaavahaarikta kaa daur hai. Samay ke badlaav ke saath vichaaron kee praasngikta bhee badaltee hai. Is badalte vaataavaran mein safalta ke liye hamein un yogyataaon aur nipunaataaon kee aavashyakta hai jinhein vyaavasaayik jagat aur samaaj hamaaree shaktiyon ke roop mein sveekaar kare. Is pustak mein gyaan, aatmvishvaas, sakaaraatmak soch, parinaam kendrit soch, evam maanav vyavahaar ke anek pahaluon ko vyaavahaarik jagat se jodne kaa prayaas kiya gaya hai. Yah pustak na keval aavashyak siddhaanton kee vyaakhya kartee hai apitu unhein udaaharanon, kathnon, tarkon aur kahaaniyon ke maadhyam se samajhaatee bhee hai aur paathak ko yah vishvaas dilaatee hai ki diye gaye siddhaanton kaa kriyaanvayan karke kaise apne jeevan ko samriddh aur khushhaal banaaya jaa sakta hai. Anaavashyak updeshon ko paathak par thopne kee apeksa yah pustak vyaavahaarikta par bal detee hai aur unhein samajhaatee hai ki kaise chhotee-chhotee baaton kaa dhyaan rakhte hue, nirantar parishram karke diye gaye safalta ke siddhaanton ko apne andar dhaalana hai aur ek deerghakaaleen safalta praapt karnee hai.

Please note: This audiobook is in Hindi.